काठमाडौँ । साताको दोस्रो कारोबार दिन सोमबार (आज) पनि नेपाल स्टक एक्सचेञ्ज (नेप्से) परिसूचक उच्च अंकले घटेको छ । आज नेप्से परिसूचक ४७ अंकले घटेर २ हजार ८३१.३९ विन्दुमा बन्द भएको हो।
आज ३ करोड १६ लाख ६ हजार कित्ता शेयर खरिद–बिक्री हुँदा १२ अर्ब ९६ करोड ६६ लाख रुपैयाँ बराबरको कारोबार भएको छ।
आज २६ कम्पनीको शेयर मूल्य बढेको छ भने २३७ कम्पनीको शेयर मूल्यमा गिरावट आएको छ। ५ कम्पनीको शेयरमूल्य स्थिर छ ।
रिलायन्स स्पिनिङ मिल्स, सुपर खुदी हाइड्रोपावर, भुजुङ हाइड्रोपावर, रिज लाइन इनर्जी र होटल फरेष्ट इनको शेयरमूल्यमा सकारात्मक सर्किट लागेको छ भने सर्वाधिक कारोबार रिडी पावर कम्पनीको भएको छ । कम्पनीको ६८ करोड ४१ लाख रुपैयाँ बराबरको शेयर किनबेच भएको छ ।
