काठमाडौँ । केन्द्रीय अनुसन्धान ब्युरो (सीआईबी) ले ४ अर्ब ६५ करोड बढी हिनामिना गरेको भन्दै मुद्दा दर्ता भएसँगै हिमालयन लाइफ इन्स्योरेन्सका सीईओ कपिल कुमार दाहाल निलम्बनमा परे । सीआईबीले अर्बाेँ रकम अपचलन गरेको भन्दै बिचौलीया दीपक भट्ट, हिमालयन लाइफका तत्कालीन अध्यक्ष सुलव अग्रवालसँगै दाहाल समेत निलम्बनमा परेका हुन् ।
गत जेठ २९ गते विशेष अदालतमा मुद्दा दर्ता भएसँगै दाहाल स्वत निलम्बीत बने । उनीसँगै अन्य कम्पनीका सीईओ समेत निलम्बीत भए । तर, अधिकांश कम्पनीले सीईओ निलम्बीत भएसँगै निमित्तको जिम्मेवारी अन्य कर्मचारीहरुलाई सुम्पिसकेको छ । तर मुद्दा दर्ता भएर सीईओ निलम्बीत भएको लामो समयभैसक्दा समेत हिमालयन लाइफ इन्स्योरेन्सको बोर्डले निमित्त कर्मचारी तोक्न सकेको छैन् ।
अध्यक्ष अग्रवाललाई प्रहरीले चैत २० गते पक्राउ गरेको थियो । अध्यक्ष पक्राउ परेसँगै बोर्डले नयाँ अध्यक्षका रुपमा चैत २३ गते नारायण बजाजलाई नियुक्त गरेको थियो । अध्यक्ष नियुक्ती तत्कालै गरेको बोर्डले निमित्त नियुक्तीमा भने ढिलाई गर्दै आएको छ ।
हिमालयन इन्भेष्टमेन्ट बैंकर लिमिटेड तथा एचएलआई लार्ज क्याप फण्डबाट २५ करोड बढी रकम दुरुपयोग तथा अनियमितता देखिएको भन्दै सीईओ दाहालमाथि मुद्धा दर्ता भएको हो । उनीमाथि एचएलआई लार्ज क्याप फण्डबाट २५ करोड १४ लाख ८४ हजार ७ सय ४८ रुपैयाँ तथा हिमालयन ईन्भेष्टमेन्ट बैंकरबाट २२ लाख २६ हजार ३ सय ५२ रुपैयाँ अनियमितामा संलग्न रहेको भन्दै सीआईबीले मुद्दा चलाउन सिफारिस गरेको थियो ।
प्राइम ताइफको हावीहुँदा तोकिएन निमित्त
हिमालयन लाइफ इन्स्योरेन्स कम्पनी तीन जीवन बीमा कम्पनी मर्जर भएर बनेको हो । साविकको प्राइम लाइफ, गुराँस लाइफ र यूनियन लाइफ मिलेर बनेको हिमालयन लाइफ इन्स्योरेन्सको सञ्चालकमा प्राइम लाइफ हाबी हुँदा निमित्त तोकिनमा ढिलाई भएको बुझिएको छ ।
सीईओ निलम्बनमा परेसँगै कम्पनीका सहायक प्रमुख कार्यकारी अधिकृत हरीप्रसाद ढुंगानालाई निमित्तको जिम्मेवारी दिन बोर्डले आनाकानी गरेको पाइएको छ । उनी तत्कालीन युनियन लाइफका कर्मचारी भएकै कारण निमित्तको जिम्मेवारी दिन आनाकानी गरेको कर्मचारीहरु बताउँछन् ।
‘बोर्डमा सबै प्राइम लाइफको हाबी छ । नियम अनुसार सीईओ पछिको जिम्मेवारीमा रहनुभएका सरलाई बिना हिचकिचावट निमित्तको जिम्मेवारी सुम्पिनु पर्ने हो, तर अध्यक्षले अहिलेसम्म जिम्मेवारी दिनसक्नुभएको छैन् । हामीले बुझे र देखे अुनसार उहाँ युनियनको कर्मचारी भएकै कारण जिम्मेवारी दिन ढिलाई गरिएको पाइएको छ’, ती कर्मचारीले भने ।
कम्पनीको संस्थापक शेयरधनी रहेको लक्ष्मी कर्प नेपाल प्रालिको तर्फबाट प्रतिनिधि गर्नेगरी बजाजलाई अध्यक्षमा नियुक्त गरिएको भनिएतापनि उनी आफूलाई डमीको अध्यक्ष भन्दै आएका छन् । उनले सो कम्पनीमा आफ्नो कुनै पनि शेयर नरहेको भन्दै आफू डमी अध्यक्ष भएको र छिट्टै निमित्त सीईओ नियुक्ती गर्ने भन्दै एजेन्टहरुलाई भन्ने गरेका छन् ।
कम्पनीका एजेन्टले तत्कालै निमित्त नियुक्ती नभए आन्दोलन गर्ने धम्की समेत दिदैँ आएका छन् । उनीहरुले यसअघिका सीईओ मनोज कर्णलाई एजेन्टहरुले आन्दोलन गरेरै सीईओबाट हटाएका थिए ।
सीईओलाई हराएको भन्दै तत्काल निमित्त नतोकिए अध्यक्षलाई समेत हटाउने उनीहरुले धम्की दिदैँ आएका छन् ।
