काठमाडौँ । प्रभु महालक्ष्मी लाइफ इन्स्योरेन्स लिमिटेडले चणिकलाल तामाङलाई सम्मान गरेको छ । कम्पनीले नख्खुखोलामा आएको बाढीले बगाएकामध्ये दुईजनालाई सकुशल उद्धार गर्न सफल काभ्रेका तामाङलाई सम्मान गरेको हो ।
तामाङलाई कम्पनीका प्रमुख कार्यकारी अधिकृत सन्तोष प्रसाईंले सम्मान गरेका हुन् । प्रसाईंले ‘रियल हिरो’को संज्ञा दिँदै स्वतस्फूर्त रूपमा अरूको ज्यान जोगाउने कामको कुनै मूल्यसँग तुलना हुन नसक्ने बताए ।
साथै, उनले कम्पीका तर्फबाट ३० लाख रुपैयाँको बिमांक रकमको बिमालेखसहित ११ हजार रुपैयाँ नगद सम्मानस्वरूप प्रदान गरे ।
कार्यक्रममा उद्धारकर्ता तामाङले आफ्नै आँखा अगाडि कसैको ज्यान जोखिममा देख्दा सैह्य भएन र बाढीमा हामफाली दुई जनालाई बचाउन सफल भएको र यस किसिमका सम्मानले हौसल प्रदान गर्ने बताए ।
यसअघि उनै तामाङलाई बागमति प्रदेश सरकारले डेढ लाख रुपैयाँ दिने घोषणा गरिसकेको छ भने महालक्षि विकास बैंकले सम्मान स्वरुप १ लाख रुपैयाँ हस्तान्तरण गरिसकेको छ ।
