काठमाडौँ । अख्तियार दुरुपयोग अनुसन्धान आयोगले प्रमुख प्रशासकीय अधिकृत सहित ४ जना विरुद्ध भ्रष्टाचार मुद्धा दर्ता गरेको छ ।
रौतहटको राजपुर नगरपालिका वडा नम्बर ५ स्थित जनता माध्यमिक विद्यालयका प्रधानाध्यापक समेतले विद्यालयको टेण्डर तथा भवन निर्माण गर्दा अनियमितता गरेको गुनासोका आधारमा आयोगले अनुसन्धान गरी शुक्रबार मुद्दा दर्ता गरेको हो ।
जसअनुसार राजपुर नगरपालिकाका तत्कालीन निमित्त प्रशासकीय अधिकृत बैजु ठाकुर, तत्कालीन इन्जिनियर मोहम्मद शाह फैसल, विद्यालयका तत्कालीन प्रधानाध्यापक विजयकान्त मिश्र, विद्यालयका लेखापाल शेख जहिर विरुद्ध भ्रष्टाचार मुद्दा दायर गरेको हो ।
उनीहरु विरुद्ध ११ लाख १० हजार बढी मागदाबी गर्दै मुद्दा दर्ता भएको छ ।
