काठमाडौं । लमजुङको मर्स्याङ्दी गाउँपालिकामा कृषि तथा पशु हाटबजार शुरु भएको छ । पालिकामा उत्पादन भएका वस्तुलाई बजारीकरण गर्ने उद्देश्यले दशैंलाई लक्षित गरी हाटबजार सञ्चालन गरिएको हो ।
‘कृषि उत्पादन बढाऔँ, आत्मनिर्भर बनौँ, अर्गानिक उत्पादनमा जोड दिऔँ’ भन्ने नाराका साथ आयोजित हाट बजारको गाउँपालिका अध्यक्ष अर्जुन गुरुङले उद्घाटन गरेका छन् ।
हाट बजार व्यवस्थापन प्रभावकारी भएमा आगामी दिनहरुमा मासिक, पाक्षिक र साप्ताहिक रुपमा निरन्तर सञ्चालन गर्ने तयारी रहेको अध्यक्ष गुरुङको भनाइ छ ।
मर्स्याङ्दी ३ खुदी बजार स्थित कृषि सेवा केन्द्रमा सञ्चालन भएको हाटबजारमा स्थानीय स्तरमा उत्पादित कृषि उपज, पशुजन्य उत्पादनहरु विक्रिका लागि राखिएका छन् ।
