काठमाडौं । स्कोडा नेपालको आधिकारिक वितरक एमएडब्लु एक्स्पान्ज प्रालिले नयाँ जेनेरेसन स्कोडा कोडियाक नेपालमा सार्वजनिक गरेको छ । काठमाडौंको भृकुटीमण्डपमा जारी नाडा अटो शो २०२६ मा कम्पनीले नयाँ कोडियाक सार्वजनिक गरेको हो ।
‘रियल लक्जरी, एज इट सुड बी’ नाराका साथ सार्वजनिक गरिएको नयाँ कोडियाकलाई कम्पनीले प्रिमियम ७ सिटे एसयूभीका रूपमा प्रस्तुत गरेको छ । नयाँ कोडियाकमा युरोपेली डिजाइन, आधुनिक प्रविधि तथा आरामदायी इन्टेरियरलाई प्राथमिकता दिइएको कम्पनीले जनाएको छ ।
गाडीमा एर्गो सिट्स, म्याट्रिक्स एलईडी हेडलाइट्स तथा स्मार्ट डायल्स लगायतका फिचर उपलब्ध छन् । कम्पनीका अनुसार नयाँ कोडियाकमा सातै यात्रुले आरामदायी यात्रा गर्न सक्ने गरी क्याबिन डिजाइन गरिएको छ ।
स्कोडा नेपालका कार्यकारी निर्देशक रौनक अग्रवालले नयाँ कोडियाकमार्फत नेपालमा लक्जरी एसयूभीको नयाँ अनुभव प्रदान गर्न खोजिएको बताए ।
तीन भेरियन्टमा उपलब्ध
नेपालमा नयाँ जेनेरेसन स्कोडा कोडियाक तीन भेरियन्टमा उपलब्ध गराइएको छ ।
- लाउन्ज (Lounge) : २ करोड १९ लाख ९० हजार रुपैयाँ
- स्पोर्टलाइन (Sportline) : २ करोड ३९ लाख ९० हजार रुपैयाँ
- सिलेक्सन एल एन्ड के (Selection L&K) : २ करोड ३९ लाख ९० हजार रुपैयाँ
नयाँ कोडियाक अगस्ट २५ देखि ३० गतेसम्म भृकुटीमण्डपमा आयोजना भइरहेको नाडा अटो शो २०२६ मा स्कोडाको पेभिलियनमा अवलोकन गर्न सकिनेछ ।
कम्पनीले देशभरका आधिकारिक स्कोडा नेपाल शोरुमबाट नयाँ कोडियाकको बुकिङसमेत खुला गरिसकेको जनाएको छ ।
