काठमाडौँ । टाइमलाइन स्कुलले स्व. गणेशप्राद रिजालको स्मृतिमा गायन प्रतियोगिता तथा स्रष्टा सम्मान कार्यक्रम आयोजना गर्ने भएको छ ।
विद्यालयल यही पुस ५ गते गोकर्णेश्वर नगरपालिका ५ स्थित विद्यालय परिसरमा उक्त कार्यक्रम आयोजना गर्न लागेको हो । प्रत्येक वर्ष आयोजना हुने गायत प्रतियोगितामा यस वर्ष विभिन्न ३० वटा विद्यालयको सहभागीता रहनेछ ।
उक्त प्रतियोगितामा प्रथम हुने समूहले ८ हजार नगद, ट्रफी, मेडल र प्रमाणपत्र पाउनेछन् । यस्तै, द्धितिय हुनेले नगद ६ हजार, तृतीय हुनेले ४ हजार र चौथोदेखि दशौँसम्म हुनेले २ हजार नगदका साथमा ट्रफी, मेडल र प्रमाणपत्र पाउने विद्यालयले जनाएको छ ।
गायनसँगै विद्यालयले सङ्गीततर्फ समेत पुरस्कारको घोषणा गरेको छ । जसअनुसार पहिलो हुनेले २ हजार ५ सय, दोस्रो हुनेले २ हजार र तेस्रो हुनेले १ हजार ५ सय रुपैयाँका साथमा ट्रफी, मेडल र प्रमाणपत्र पाउनेछ ।
गीतकारतर्फ क्रमश पहिलो, दोस्रो र तेस्रो हुनेले २ हजार ५ सय, २ हजार र एक हजार ५ सय रुपैयाँका साथमा ट्रफी, मेडल र प्रमाणपत्र पाउनेछन् ।
