काठमाडौं । ट्रेकर्स सूचना व्यवस्थापन प्रणाली (टिआइएमएस) टिम्सको संशोधन एमओयू २०२४ मा त्रिपक्षीय हस्ताक्षर भएको छ । ट्रेकिङ एजेन्सिज एसोसिएसन अफ नेपाल (टान), नेपाल पर्यटन बोर्ड(एनटीबी) र मजदुर युनियनले काठमाडौंमा आयोजित एक समारोहकाबीच संयुक्त रूपमा संशोधन २०२४ मा हस्ताक्षर गरेका हुन् ।
टानका अध्यक्ष सागर पाण्डेले अब बोर्डबाट अन्तिम स्वीकृति लिन अगाडि बढिरहेको बताए । यसलाई बिहीबार बोर्डका सीईओलाई हस्तान्तरण गर्ने पनि उनले बताए । उनले यसलाई जनवरी २०२५ मा यसको कार्यान्वयन घोषणा गर्ने योजना बनाएको पनि बताए ।
अध्यक्ष पाण्डेले भने, ‘यसलाई अगाडि बढाउन अथक प्रयास गर्ने सबैलाई धेरै–धेरै धन्यवाद । यसले दिगो पर्वतीय पर्यटनलाई सुदृढ गर्न र ट्रेकिङ कम्पनीहरूको दायित्व सुनिश्चित गर्न मद्दत गर्ने मैले आशा लिएको छु ।’
