काठमाडौँ । नेपाल राष्ट्र बैंकले शुक्रबार मौद्रिक नीतिको समिक्षा नआउने जनाएको छ । यसअघि शुक्रबार मौद्रिक नीति समिक्षाका लागि बोर्ड बैठक बोलाइएकोमा अन्तिम समयमा रोकिएको हो ।
सञ्चालक समितिमा मौद्रिक नीतिबारे छलफल गर्ने समय कम भएकाले तत्काललाई रोकिएको राष्ट्र बैंकले स्रोतले जनाएको छ । यसअघि बिहीबार राष्ट्र बैंक व्यवस्थापन समिति बैठकमा मौद्रिक नीतिबारेको छलफल सकिए लगत्तै बिहीबार १ बजे गर्भनर महाप्रसाद अधिकारीले अर्थमन्त्री विष्णु प्रसाद पौडेललाई भेटेर ब्रिफिङ गरेका थिए ।
तर, बिहीबार साँझ नै प्रधानमन्त्री केपी शर्मा ओलीले प्रधानमन्त्रीको आर्थिक सल्लाहकारमा डा. युवराज खतिवडालाई नियुक्त गरेसँगै मौद्रिक नीतिको समिक्षा पनि रोकिएको हो । पूर्व गर्भनर समेत रहेका उनकै कारण शुक्रबार सार्वजनिक गर्ने तयारी भएको मौद्रिक नीति रोकिएको हो ।
मौद्रिक नीति आज, पारित गर्न राष्ट्र बैंकको बोर्ड बैठक बस्दै
