काठमाडौँ । नेकपा एकीकृत समाजवादी केन्द्रीय समिति बैठक बिहीबारदेखि सुरु हुँदैछ। बिहान ११ बजेबाट ललितपुरस्थित नेपाल प्रशासनिक प्रशिक्षण प्रतिष्ठानमा सुरू हुने बैठकका लागि ९ वटा कार्यसूची तय गरिएको सो पार्टीले जनाएको छ ।
केन्द्रीय कमिटी बैठकमा अध्यक्ष माधवकुमार नेपालको राजनीतिक प्रतिवेदन, पार्टी नियमावली, विनियम, निर्देशिका, आचारसंहिता, पार्टीको दसौं राष्ट्रिय महाधिवेशनको समीक्षा, आन्दोलनद्वारा पार्टी निर्माणसम्बन्धी आगामी कार्ययोजना, संसदमा प्रस्तुत अध्यादेश र समसामयिक प्रस्तावहरू लगायत छन्।
मंगलबार बसेको पार्टी स्थायी कमिटीको बैठक र बुधबार बसेको पोलिटब्युरो बैठकले केन्द्रीय कमिटीको कार्यसूची तय गरेको हो। यस्तै अध्यक्ष माधव नेपालको राजनीतिक प्रस्ताव पनि उक्त बैठकले पारित गरेको थियो ।
