काठमाडौँ । नेपाल र चीनको संयुक्त लगानी भएको हिमालय एअरलाइन्स्ले सोमबारदेखि ल्हासा–पोखरा–ल्हासा सेड्युल उडान सेवा सुरु गरेको छ ।  

‘रुफ अफ द वल्र्ड’ भनेर चिनिने विश्व प्रसिद्ध सहर ल्हासाबाट नेपालको पर्यटकीय राजधानी पोखरासम्मको यो ऐतिहासिक सेड्युल उडान सेवामार्फत हिमालय एअरलाइन्स्ले नेपाल र चीनबीचको हवाई सम्पर्कलाई सुदृढ गर्ने कामको सुरुवात भएको कम्पनीले जनाएको छ । 

नेपालको पर्यटन उद्योगलाई प्रवद्र्धन गर्न र अन्तर्राष्ट्रिय हवाई यात्रालाई टेवा पु¥याउन समर्पित, हिमालय एअरलाइन्स्ले निर्बाध र सुविधाजनक यात्रा विकल्पहरू प्रदान गर्न आफ्नो उडान सञ्जाल बिस्तार गर्न जारी राखेको छ । ल्हासा–पोखरा–ल्हासा उडानले नेपाललाई विश्वसँग जोड्ने, सांस्कृतिक आदानप्रदानलाई सहज बनाउने र दुवै गन्तव्यहरूको पर्यटन वृद्धिमा सहयोग गर्ने एअरलाइन्स्को प्रतिबद्धतालाई जोड दिन्छ ।

हिमालय एअरलाइन्स्ले काठमाडौँ–ल्हासा–पोखरा–ल्हासा–काठमाडौँ सेक्टर जोड्न तथा मागको आधारमा आगामी दिनमा उडानहरू पनि थप्ने योजनासहित हाल हप्तामा एउटा उडान सञ्चालन गर्दै छ । ऐतिहासिक ल्हासा–पोखरा उडानले ल्हासा गोङ्गर विमानस्थलबाट आज चीनको स्थानीय समयअनुसार सोमबार १४ः३९ बजे उडान भ¥यो र एक घण्टा चौतीस मिनेटको उडान समय पछि कुल १०७ यात्रुहरूसहित आजै नेपाली स्थानीय समयअनुसार १३ः५६मा पोखरा अवतरण ग¥यो । 

यसै गरी, ऐतिहासिक पोखरा–ल्हासा उडान पोखरा अन्तर्राष्ट्रिय विमानस्थलबाट अप्रिल मंगलबार स्थानीय समयअनुसार बिहान ८ः२० मा प्रस्थान गरी सोही दिन चीनको स्थानीय समयअनुसार १२ः०५ बजे ल्हासा गोङ्गर विमानस्थलमा अवतरण गर्ने छ । 

नयाँ ल्हासा–पोखरा–ल्हासा उडानले यात्रुहरूलाई नेपालको पर्यटन राजधानी पोखरा र चीनको ऐतिहासिक तथा मनोरम सहर ल्हासाबीच सिधा र सहज हवाई सेवाको विकल्प प्रदान गर्दैछ ।

हिमालय एअरलाइन्स् आफ्ना यात्रुहरूलाई गुणस्तरीय सेवा र सुरक्षित यात्राको अनुभव प्रदान गर्न सदैव प्रतिबद्ध छ । यो मार्गमा उडान शुभारम्भ भएसँगै सुस्त ग्रीष्मकालीन सिजनमा पनि पर्यटन बढ्ने अपेक्षा गरिएको छ ।

यस ऐतिहासिक ल्हासा–पोखरा–ल्हासा उडान सेवाको उद्घाटन कार्यक्रममा गण्डकी प्रदेशका माननीय मुख्यमन्त्री श्री सुरेन्द्रराज पाण्डे प्रमुख अतिथिका रूपमा उपस्थित हुनु भएको थियो । यसका साथै, संस्कृति, पर्यटन तथा नागरिक उड्डयन राज्यमन्त्री अरुणकुमार चौधरी, गण्डकी प्रदेशका माननीय उद्योग र पर्यटन मन्त्री मित्रलाल बस्याल, नेपालका लागि जनवादी गणतन्त्र चीनका महामहिम राजदूत चेन सोङ, पोखरा महानगरपालिकाका मेयर धनराज आचार्य, नेपाल नागरिक उड्डयन प्राधिकरणका उपमहानिर्देशक देवचन्द्र लाल कर्णलगायत अन्य विशिष्ट व्यक्तिहरूलाई हिमालय एअरलाइन्स्का अध्यक्ष झोउ एनयोङ, उपाध्यक्ष–प्रशासन विजय श्रेष्ठ तथा हिमालय एअरलाइन्स्का अधिकारीहरूले स्वागत गरेका थिए । ल्हासास्थित नेपाली महावाणिज्यदूतावासका महावाणिज्यदूत लक्ष्मीप्रसाद निरौलाले पनि कार्यक्रममा उपस्थिति थिए । 
 
ऐतिहासिक ल्हासा–पोखरा उडानमा अटुट सहयोगको लागि संस्कृति, पर्यटन तथा नागरिक उड्डयन मन्त्रालय, नेपाल नागरिक उड्डयन प्राधिकरण, पोखरा अन्तर्राष्ट्रिय विमानस्थलका अधिकारीहरू, चिनियाँ दूतावास र सबै सरोकारवालाहरूलाई हार्दिक धन्यवाद दिँदै, हिमालय एअरलाइन्स्का अध्यक्ष झोउ एनयोङले पोखरा अन्तर्राष्ट्रिय विमानस्थल र ल्हासा बीचको पहिलो निर्धारित अन्तर्राष्ट्रिय उडान सुरु गर्न पाउँदा खुशी र गर्व व्यक्त गरे । 

‘यो ऐतिहासिक उपलब्धि हिमालय एअरलाइन्स् र नेपालको उड्डयन उद्योगका लागि एक ठुलो सफलता हो, जसले पोखरालाई प्रमुख अन्तर्राष्ट्रिय प्रवेशद्वारको रूपमा स्थापित गर्दै क्षेत्रीय हवाई सम्पर्कलाई प्रवद्र्धन गर्दछ । यो केवल नयाँ मार्ग मात्र नभई नेपाल–चीन सम्बन्धलाई थप सुदृढ बनाउने, पर्यटन प्रवद्र्धन गर्ने तथा व्यापार र सांस्कृतिक आदानप्रदानका नयाँ अवसरहरू सिर्जना गर्ने महत्वपूर्ण पहल पनि हो । सुरक्षित र प्रभावकारी हवाई सेवाप्रति प्रतिबद्ध रहँदै हिमालय एअरलाइन्स् यस उडानको दीर्घकालीन सफलताका लागि निरन्तर सहयोगको अपिल गर्दछ । संयुक्त प्रयासमार्फत् नै हामी अझ धेरै ऐतिहासिक उपलब्धिहरू हासिल गर्न सक्छाँै’, उनले भने ।

हिमालय एअरलाइन्स्सँग यात्रा गर्न चाहने यात्रुले एअरलाइन्स्को टिकटिङ काउन्टरहरू, अधिकारिक ट्राभल पार्टनरहरूका साथै एअरलाइन्स्को आधिकारिक वेबसाइट धधध।जष्mबबिथब(बष्चष्लिभक।अयm र हिमालय एअरलाइन्स् मोबाइल एप्लिकेसनबाट पनि काठमाडौँ–ल्हासा–पोखरा–ल्हासा–काठमाडौँ उडानको टिकट बुक गर्न सक्ने कम्पनीले जनाएको छ ।