काठमाडौँ । नेपाल विद्युत प्राधिकरणले योजनाबद्ध रुपमा विद्युतीय संजालको विकाश नगर्दा लाइन ट्रिपिङ्गको समस्या देखिएको जनाएको छ । प्राधिकरणले आइतबार एक विज्ञप्ती जारी गर्दै उक्त कुरा जनाएको हो ।
‘विगतका बर्षहरुमा समेत प्रि मनसुन र मनसुनको समयमा हावाहुरी अधिक बर्षा लगायतका कारणले लाइन ट्रिपिङ्गको समस्या रहेको थियो । प्राधिकरणको नेतृत्वमा कुलमान घिसिङ्ग हुदा समेत अत्याधिक लाइन ट्रिपिङ्गको समस्या देखिएकाले सोको निराकरणका लागि उपकार्यकारी निर्देशक तारा प्रधानको नेतृत्वमा ५ सदस्य रहेको अध्ययन कमिटी बनाएका थिए । समस्या देखिएपछि जनआक्रोश कम गर्न कमिटी बनाउने तर न त कमिटिले रिपोर्ट दिनुपर्ने, दिए पनि कार्यान्वयन नहुने प्रवृति विगतमा थियो’, प्राधिकरणले जारी गरेको विज्ञप्तीमा उल्लेख छ ।
२०८० साउन २६ गते बनेको कमिटीले हालसम्म कुनै पनि रिपोर्ट नदिएको प्राधिकरणले जनाएको छ । योजनाब रुपमा विद्युतिय संजालको विकाश नगरि सस्तो लोकप्रियताका लागि आफु अनुकुल वितरण तथा प्रशारण प्रणाली विकाश गर्दा कमजोर भएको प्रणालीको कारण बेला बेलामा समस्या बल्झिएको हो ।
विविध प्राविधिक समस्याका कारण सिर्जना भएको प्रतिकुल अवस्थालाई लोडसेडिङ्गसंग जोडि सामाजिक संजालमा अभिब्यतm भनाइमा प्राधिकरणले खण्डन गरेको छ ।
‘प्राविधिक समस्याको समाधान प्राविधिक ढंगबाट नै खोज्नु पर्दछ । हालको नेतृत्वले सस्तो लोकप्रियताको पछाडी नलागि यो समस्याको दिर्घकालिन समाधानका लागि कार्य गर्दछ , तर नतिजा देखिन समय लाग्छ । विगतका बर्षहरमा पनि समाजिक संजालमा आक्रोश ब्यतm भएको थियो त्यसलाई गम्भिरता पुर्वक लिएर समस्या समाधानका लागि कार्य गरेको भए यो अवस्था आउने नै थिएन’, विज्ञप्तीमा उल्लेख छ ।
