काठमाडौं । उच्च अदालत पाटनले काठमाडौं महानगरपालिकाका प्रमुख राजुनाथ पाण्डेको निलम्बन गर्ने निर्णय कार्यान्वयन नगर्न आदेश दिएको छ।
न्यायाधीश ऋषिराज भण्डारी र डिल्लीरत्न श्रेष्ठको संयुक्त इजलासले पाण्डेले दायरको गरेको मुद्दाको अन्तिम किनारा नलागेसम्म प्रमुखकै जिम्मेवारीमा काम गर्न आदेश दिएको हो।
गत जेठ २० गते काठमाडौं महानगरका कार्यकारी प्रमुख सरोज गुरागाईँले पाण्डेलाई ६ महिनाका लागि निलम्बन गरेका थिए। गत चैत २१ गते कार्यालयमा हाजिर हुने क्रममा हुलहुज्जत गरेको भन्दै गुरागाईँले पाण्डेलाई स्पष्टीकरण सोधेका थिए। तर, चित्तबुझ्दो जवाफ नदिएपछि पाण्डेलाई ६ महिनाका लागि निलम्बन गरिएको थियो।
