काठमाडौँ । १३ वटा वाणिज्य बैंकहरुले भदौ महिनामा लागि ब्याजदर घटाउने निर्णय गरेका छन् । वाणिज्य बैंकहरुले शुक्रबार एक सूचना जारी गर्दै भनौ महिनाका लागि विभिन्न खाताको ब्याजदर परिवर्तन गरिएको जनाएका हुन् ।
बैंकहरुले सार्वजनिक गरेको सूचना अनुसार भदौ महिनाका लागि १३ वाणिज्य बैंकको ब्याजदर घटाउँदा ५ वाणिज्य बैंकले भने स्थिर राखेका छन् ।
औसतमा व्यक्तिगत तर्फ मुद्दति निक्षेपको ब्याजदर ६.५३ प्रतिशत कायम भएको छ । साउनमा औसत ब्याजदर ६.७४ प्रतिशत थियो । औसतमा हेर्दा बैंकहरुको ब्याजदर भदौका लागि ०.२१ विन्दुले घटेको देखिन्छ ।
शुक्रबार सूचना प्रकाशित गरेका १८ बैंकहरुमध्ये १३ बैंकहरुले ब्याजदर घटाएका छन् भने चार वटा बैंकहरुले साउनकै ब्याजदरलाई निरन्तरता दिएका छन् । बाँकी एउटा बैंकले मात्र ब्याजदर बढाएको छ ।
जसअनुसार भदौ महिनामा एनएमबि बैंक र एनआईसी एशिया बैंकले सबैभन्दा बढी ब्याज दिने छन् । व्यक्तिगत मुद्दति निक्षेपमा ती कम्पनीहरुले अधिकतममा ७.४१ प्रतिशत ब्याज दिने छन् । सबैभन्दा कम ब्याज दिने बैंकमा नेपाल बैंक छ । यस्तो निक्षेपमा उक्त कम्पनीको अधिकतम ब्याजदर ५.२५ प्रतिशत छ ।
