काठमाडौं । आईएमई लाइफ इन्स्योरेन्स कम्पनीका बीमित, अभिकर्ता तथा कर्मचारीहरुले अब ओम हस्पिटलमा उपचारसेवा लिदा १० प्रतिशत छुट प्राप्त गर्न सक्नेछन् । साथै बीमित, अभिकर्ता तथा कर्मचारीहरुलाई स्वास्थ्य जाँच (हेल्थ चेकअप) प्याकेजमा विशेष सहुलियत प्रदान गरिने छ ।
उक्त छुट सुविधा प्राप्त गर्नका लागि कम्पनीका बीमितले कम्पनीको मोबाइल एप (आईएमई लाइफ मोबाइल एप ) मा रहेको प्रिभिलेज कार्ड देखाइ छुट सुविधा लिन सक्नेछन भने, अभिकर्ता तथा कर्मचारीले कम्पनीले जारी गरेको आधिकारिक परिचयपत्र पेस गरी उक्त छुट सुविधा को लाभ लिन सक्नेछन् ।
