काठमाडौं । नेपाली बजारमा आज सुन र चाँदी दुवैको मूल्य बढेको छ। नेपाल सुनचाँदी व्यवसायी महासंघका अनुसार सोमबार सुनको मूल्य प्रतितोला २३ सय रुपैयाँले बढेर नयाँ रेकर्ड कायम भएको हो।
बढेको मूल्यसँगै छापावाल सुन प्रतितोला १ लाख ९७ हजार ५ सय रुपैयाँमा कारोबार भइरहेको छ। गत शुक्रबार भने सुन प्रतितोला १ लाख ९५ हजार २ सय रुपैयाँमा कारोबार भएको थियो।
यस्तै, आज चाँदीको मूल्य पनि तोलामा ४० रुपैयाँले बढेको छ। यससँगै चाँदी प्रतितोला २३ सय ५० रुपैयाँ पुगेको छ। गत शुक्रबार चाँदी प्रतितोला २३ सय १० रुपैयाँमा कारोबार भएको थियो।
