काठमाडौँ । राजश्व अनुसन्धान विभागले कोटेश्वरको एक सुन पसलमा छापा मारेको छ । विभागले काठमाडौँ महानगरपालिका–३२ कोटेश्वर स्थित बज्राचार्य गहना उद्योगमा छापा मारेको हो ।विभागबाट खटिएका अनुसन्धान अधिकृत र सशस्त्र प्रहरीका डीएसपी नेतृत्वको टोलीले गहना उद्योगबाट ६२१ ग्राम काँचो सुन बरामद गरेको छ ।
पसल र कारखानाबाट बरामद गरिएको काँचो सुनबारे अनुसन्धान भइरहेको राजस्व अनुसन्धान विभागका महानिर्देशक तीर्थराज चिलुवालले जानकारी दिए । उनले उक्त पसलमा राजश्व छली गरेका सुनको बिक्री वितरण भएको उजुरीका आधारमा छापा मारेको बताए ।
बज्राचार्य गहना उद्योगबाट बरामद सुन र बिलबिजकबारे विभागले अनुसन्धान गरिरहेको छ ।
