काठमाडौँ । नेकपा एमालेको विद्यार्थी संगठन अनेरास्ववियुका अध्यक्ष डा। सुजन कडरियाले राजीनामा दिएका छन् । सोमबार बसेको केन्द्रीय समितिको बैठकमा उनले राजीनामा दिएका हुन् ।
उनले दिएको राजीनामा आजै स्वीकृत भएको छ । उनले राजीनामा स्वीकृत गर्दै आजको बैठकले अध्यक्षको जिम्मेवारी महासचिव दीपक धामीलाई दिएको छ ।
भदौ २३ को जेनजी आन्दोलनपछि कडरियाले पदबाट राजीनामा घोषणा गरेका थिए । तर एमालेले घर फर्क अभियान घोषणा गरेर रामकुमारी झाँक्री, किसान श्रेष्ठ लगायतलाई भित्राएको दिन कात्तिक २४ गते कडरिया पनि कार्यालय फर्किएका थिए ।
