काठमाडौं । बुधबार नेपाल स्टक एक्सचेन्जमा कुल ११ अर्ब ४९ करोड रुपैयाँ बराबरको सेयर कारोबार भएको छ। बजार सामान्यतया हरियो रहँदा कर्पोरेट डेभलपमेन्ट बैंक र आँखुखोला जलविद्युत् कम्पनीका सेयरमा पोजिटिभ सर्किट ब्रेक (१०%) लागेको छ।
सर्किट ब्रेकपछि यी कम्पनीका लगानीकर्ताले क्रमशः प्रतिकित्ता १९९.७० रुपैयाँ र २७.७० रुपैयाँ आम्दानी गरेका छन्। त्यसैगरी मिथिला लघुवित्त, पिपुल्स पावर र बुद्धभूमि नेपाल हाइड्रोका सेयरधनीले पनि ९–९.५ प्रतिशत नाफा कमाएका छन्।
यस दिन १४१ वटा सेयरको मूल्य बढेको, जबकि ११२ वटा सेयरको मूल्य घटेको छ। घटेका सेयरमध्ये (गुडविल फाइनान्सको डिबेन्चर ८.०७%)ले सबैभन्दा बढी घटेको छ।
ठूलो कारोबार हुने कम्पनीमा आँखुखोला जलविद्युत् (८३ करोड), राधी विद्युत् (५४ करोड), एसवाई प्यानल (४९ करोड), युनाइटेड मोदी हाइड्रो (४८ करोड) र रिभर फल्स पावर (३० करोड) रहेका छन्।बजारमा वाणिज्य बैंक, लगानी, जीवन बीमा, माइक्रोफाइनान्स र निर्जीवन बीमा समूह सामान्य घटे पनि अधिकांश समूह हरियो देखिएका छन्।
