काठमाडौँ । साताको तेस्रो कारोबार दिन मंगलबार (आज) नेपाल स्टक एक्सचेञ्ज (नेप्से) परिसूचक दोहोरो अंकले बढेको छ । आज नेप्से परिसूचक २३.८३ अंकले बढेर २ हजार ९६०.४० विन्दुमा बन्द भएको हो।
आज ३ करोड ५८ लाख २२ हजार कित्ता शेयर खरिद–बिक्री हुँदा १४ अर्ब ८३ करोड ९१ लाख रुपैयाँ बराबरको कारोबार भएको छ।
आज १३६ कम्पनीको शेयर मूल्य बढेको छ भने ११७ कम्पनीको शेयर मूल्यमा गिरावट आएको छ। ११ वटा कम्पनीको शेयरमूल्य स्थिर छ ।
सालपा विकास बैंक, रिलायन्स स्पिनिङ मिल्स र सोलु हाइड्रोपावर सकारात्मक सर्किट लागेको छ भने सर्वाधिक कारोबार राद्यी विद्युत कम्पनीको भएको छ। कम्पनीको ६७ करोड ४३ लाख रुपैयाँ बराबरको शेयर किनबेच भएको छ ।
