काठमाडौँ । साताको पहिलो कारोबार दिन आइतबार नेपाली बजारमा सुनचाँदीको मूल्य ह्वात्तै बढेको छ । नेपाल सुनचाँदी व्यवसायी महासंघले सार्वजनिक गरेको तथ्यांक अनुसार आइतबार सुन तोलाको ४ हजार ८ सय रुपैयाँले बढेको हो ।
महासंघका अनुसार आज सुनको मूल्य तोलाको ३ लाख १ हजार ७०० रुपैयाँमा कारोबार भइरहेको छ। गत हप्ताको शुक्रबार बजारमा सुनको मूल्य २ लाख ९६ हजार ९०० रुपैयाँमा कारोबार भएको थियो ।
यस्तै, आज चाँदीको मूल्य तोलामा ६५ रुपैयाँले बढेको हो । बढेसँगै चाँदीको मूल्य तोलाको ४ हजार ६४५ रुपैयाँमा कारोबार भएको छ। गत हप्ताको शुक्रबार चाँदी तोलाको ४ हजार ५८० रुपैयाँमा कारोबार भएको थियो ।
