काठमाडौँ । नेपाली बजारमा बुधबार सुनचाँदीको मूल्य घटेको छ। नेपाल सुनचाँदी व्यवसायी महासंघले बुधबार सार्वजनिक गरेको तथ्यांक अनुसार छापावाल सुनको मूल्य प्रतितोला १ हजार २ सय रुपैयाँले घटेर ३ लाख ६ हजार ७ सय रुपैयाँ कायम भएको छ।
मंगलबार छापावाल सुन प्रतितोला ३ लाख ७ हजार ९ सय रुपैयाँमा कारोबार भएको थियो। बुधबार मूल्य घटेसँगै सुनको भाउ ३ लाख ६ हजार ७ सय रुपैयाँमा झरेको महासंघले जनाएको छ।
त्यसैगरी, चाँदीको मूल्यमा पनि गिरावट आएको छ। मंगलबार प्रतितोला ४ हजार ७ सय ८० रुपैयाँ रहेको चाँदीको मूल्य बुधबार ३५ रुपैयाँले घटेर ४ हजार ७ सय ४५ रुपैयाँ कायम भएको छ।
