काठमाडौँ । नेपाली बजारमा बुधबार सुनको मूल्यमा पहिरो आएको छ । नेपाल सुनचाँदी व्यवसायी महासंघले सार्वजनिक गरेको तथ्यांक अनुसार बुधबार सुन प्रतितोला ८ हजार ८ सय रुपैयाँले घटेको हो ।
तथ्यांक अनुसार बुधबार छापावाल सुनको मूल्य २ लाख ९७ हजार ३०० रुपैयाँ कायम भएको छ ।
मंगलबार ५०० रुपैयाँले घटेर ३ लाख ६ हजार १०० रुपैयाँमा कारोबार भएको सुनको मूल्य सोमबार प्रतितोला २ हजार ४०० रुपैयाँले घटेर ३ लाख ६ हजार ६०० रुपैयाँमा झरेको थियो । आइतबार ९ हजार ५०० रुपैयाँले घटेर सुनको मूल्य ३ लाख ९ हजार रुपैयाँ थियो ।
बुधबार सुनसँगै चाँदीको मूल्य पनि प्रतितोला १८५ रुपैयाँले घटेको छ। बुधबार प्रतितोला चार हजार ५८० रुपैयाँमा कायम भएको हो ।
