काठमाडौँ । नेपाली बजारमा एक सातायता निरन्तर ओरालो लागेको सुनको मूल्य बिहीबार भने ह्वात्तै बढेको छ । अघिल्लो मंगलबारदेखि निरन्तर ओरालो लाग्दै आएको सुनको मूल्य बिहीबार तोलामा ७ हजार ६०० रुपैयाँले बढेको नेपाल सुनचाँदी व्यवसायी महासंघले जनाएको छ ।
योसँगै बिहीबार छापावाल सुनको मूल्य ३ लाख ४ हजार ९०० रुपैयाँ कायम भएको छ ।
बिहीबार चाँदीको मूल्य पनि बढेको छ । बिहीबार चाँदीको मूल्य १४५ रुपैयाँले बढेर ४ हजार ७२५ रुपैयाँ कायम भएको महासंघले जनाएको छ । बुधबार चाँदीको मूल्य १८५ रुपैयाँले घटेर प्रतितोला ४ हजार ५८० रुपैयाँ थियो ।
मंगलबार १५ रुपैयाँले घटेर चाँदीको मूल्य ४ हजार ७६५ रुपैयाँ थियो । आइतबारकै मूल्य ४ हजार ७८० रुपैयाँमा सोमबार चाँदीको कारोबार भएको थियो । आइतबार चाँदीको मूल्य १८५ रुपैयाँले घटेर ४ हजार ७८० रुपैयाँमा थियो ।
