काठमाडौँ । नेपाली बजारमा आज सुन तथा चाँदीको मूल्यमा उच्च गिरावट आएको छ । बिहीबारको तुलनामा आज (शुक्रबार) सुनको मूल्य तोलामा ४ हजार ८ सय रुपैयाँले घटेको हो ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला ३ लाख १ हजार रुपैयाँमा कारोबार भइरहेको छ । बिहीबार सुनको मूल्य प्रतितोला ३ लाख ५ हजार ८ सय रुपैयाँ थियो ।
त्यस्तै, चाँदीको मूल्यमा पनि आज गिरावट आएको छ । बिहीबार प्रतितोला ४ हजार ८ सय ५५ रुपैयाँमा कारोबार भएको चाँदी आज ४ हजार ६ सय रुपैयाँमा झरेको छ । यसरी चाँदीको मूल्यमा पनि आज तोलामा २ सय ५५ रुपैयाँको गिरावट आएको छ ।
