काठमाडौँ । साताको अन्तिम कारोबार दिन नेपाली बजारमा सुनको मूल्य ह्वात्तै बढेको छ । नेपाल सुनचाँदी व्यवसायी महासंघले सार्वजनिक गरेको तथ्यांक अनुसार शुक्रबार सुन तोलामा ३ हजार ६०० रुपैयाँले बढेको हो ।
योसँगै शुक्रबार छापावाल सुनको मूल्य ३ लाख ३ हजार १०० रुपैयाँ कायम भएको छ ।
साताको पहिलो दिन आइतबार बढेको सुनचाँदीको मूल्य सोमबार, मंगलबार र बिहीबार तीन दिन घढेको थियो भने बुधबार र शुक्रबार बढेको हो ।
यस्तै, शुक्रबार चाँदीको मूल्य १५० रुपैयाँले बढेर ४ हजार ७७५ रुपैयाँ कायम भएको महासंघले जनाएको छ । बिहीबार चाँदीको मूल्य ६० रुपैयाँ घटेर ४ हजार ६२५ रुपैयाँ थियो ।
