काठमाडौँ । पछिल्लो केही दिन यता निरन्तर घटेको सुनचाँदीको मूल्य बुधबार भने बढेको छ । नेपाल सुनचाँदी व्यवसायी महासंघले सार्वजनिक गरेको तथ्यांक अनुसार छापावाल सुनको मूल्य आज प्रतितोला २ हजार ८ सय रुपैयाँले बढेको हो।
महासंघका अनुसार बुधबार छापावाल सुनको मूल्य प्रतितोला २ लाख ९३ हजार ३ सय रुपैयाँ कायम भएको छ। मंगलबार छापावाल सुन प्रतितोला २ लाख ९० हजार ५ सय रुपैयाँमा कारोबार भएको थियो।
त्यस्तै, चाँदीको मूल्य पनि प्रतितोला ३० रुपैयाँले बढेको छ। मंगलबार प्रतितोला ४ हजार ३ सय ९५ रुपैयाँमा कारोबार भएको चाँदी बुधबार बढेर प्रतितोला ४ हजार ४ सय २५ रुपैयाँ कायम भएको महासंघले जनाएको छ।
