काठमाडौं । लोकप्रिय गायक रूपक डोटेल आफ्नो नयाँ गीत ‘तिमी छौ र पो..’ दर्शक तथा स्रोतामाझ ल्याएका छन् । गायनमा अर्का गायक अनिश पाण्डेल डोटेललाई साथ दिएका छन् ।
गायक पाण्डेकै शब्द तथा संगीत ‘तिमी छौ र पो..’ मा सुन्न सकिन्छ । सञ्जीव बराइलीले गीतमा संगीत संयोजन गरेका छन् । गीत स्ट्यानवेल स्टुडियो, लण्डनमा इञ्जिनियर मदन रेन म्याडीले रेकर्ड गरेका हुन् ।
एक प्रेमीले प्रेमिकाको कारण आफ्नो मनमा उठेको भावना गीतमा पोखेका छन् । भिडियोमा निशु पौडेल तथा गायकद्वय पाण्डे र डोटेललाई फिचर गरिएको छ । लण्डन निवासी मोडल निशु फार्मेसिष्ट हुन् ।
बेलायतका आकर्षक लोकेसनमा खिचिएको भिडियोको सम्पादन मनोज कार्कीले गरेका हुन् । भिडियोका छायांकन तथा निर्देशन सुमन श्रेष्ठले गरेका हुन् ।
