काठमाडौँ । नेपाल राष्ट्र बैंकको गभर्नर नियुक्तीमा नयाँ ट्वीस्ट सार्वजनिक भएको छ । लामो समयदेखि केन्द्रीय बैंक गभर्नर बिहीन हुँदा सरकार भने एक पछि अर्काे नयाँ ट्वीस्ट सार्वजनिक गर्दै बसेको छ ।
शनिबार बेलुका प्रधानमन्त्री निवास बालुवाटारमा बसेको कांग्रेस र एमालेका शीर्ष नेताको बैठकले विश्व पौडेललाई गभर्नरमा सिफारिस गर्ने निष्कर्ष निकालेका थिए ।
गभर्नर सिफारिस समितिकै सदस्य रहेका पौडेललाई कांग्रेसले गभर्नरका लागि प्रस्ताव गरेको हो । यसअघि कांग्रेसले नै प्रस्ताव गरेको नेपाल राष्ट्र बैंकका कार्यकारी निर्देशन गुणकर भट्टको राजीनामा स्वीकृत नभएपछि कांग्रेसले पौडेलको नाम प्रस्ताव गरेको हो ।
प्रधानमन्त्री केपी शर्मा ओली र कांग्रेस सभापति शेरबहादुर देउवाबीच राष्ट्र बैंकका कार्यकारी निर्देशक भट्टलाई गभर्नर बनाउन तीन साताअघि समझदारी भएको थियो । यही वैशाख ३ मा भएको उक्त समझदारीका आधारमा भट्टले वैशाख ५ मा कार्यकारी निर्देशकबाट राजीनामा दिएका थिए ।
तर, राष्ट्र बैंककी कायममुकायम गभर्नर नीलम ढुंगानाले भट्टको राजीनामा स्वीकृत नगरेपछि सभापति देउवाले विकल्पमा पौडेलको नाम प्रस्ताव गरेको स्रोतले जानकारी दिएको छ । दुई दलीय भागबन्डामा गभर्नर कांग्रेसले लिने समझदारी छ ।
पौडेल सिफारिस समितिमै रहेका कारण राजीनामा गर्न लगाएर थप दुई जना सदस्य राख्ने तयारी समेत भएको छ ।
“विजयनाथ भट्टराईले राजीनामा दिनुभयो, महाप्रसाद अधिकारीको नाम प्रस्ताव ग¥यौँ तर अदालतमा मुद्दा प¥यो,” उनले भने, “अब अदालतबाट निर्णय आउन समय लाग्न सक्छ । त्यसैले नयाँ दुईजना सदस्य राखेर अर्थमन्त्रीको टिमले विश्व पौडेलको नाम सिफारिस गर्ने तयारी भएको छ’, कांग्रेसका एक नेताले भने ।
