काठमाडौँ । काठमाडौँमा जारी अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) को २४ औँ महाधिवेशनले नयाँ नेतृत्व छनोट गर्दैछ । अनेरास्ववियुको आगामी कार्यकालका लागि डा. सुजन कडरियालाई सर्वसम्मत गरेर लैजान पार्टीबाट निर्देशन आएपछि प्रकाश पौडेल पक्षधरले विरोध जनाएका छन् ।
बन्द सत्रमै निर्वाचनको माग गर्दै उनीहरुले नाराबाजी समेत गरेका छन् । बन्दसत्र सकिएपछि मंगलबारदखि निर्वाचनको प्रक्रिया सुरु हुँदैछ । निर्वाचनमा नै नगई सर्वसर्वत रुपमा नयाँ समिति घोषणा गर्द पार्टीबाट दबाद आएपछि पौडले पक्षधरले निर्वाचनको माग गर्दै नाराबाजी गरेको हो ।
अनेरास्ववियुमा यसपटकदेखि ३२ वर्षे उमेरहद लाग्दैछ। उमेरहद लाग्दा निवर्तमान कमिटीका १७ पदाधिकारी र तीन आयोग प्रमुखमध्ये १५ जना बाहिरिनेछन् ।
पाँच जना सचिव मात्रै बाँकी रहनेछन्। सचिवहरू प्रकाश पौडेल, दीपक धामी, डा. सुजन कडरिया, अञ्जना शिवाकोटी र आरती भट्टराई मात्रै बाँकी रहन्छन्। उनीमध्येलाई नै अध्यक्ष बनाउने तयारी भइरहेको छ । अहिले पाँचै जनाले अध्यक्षको आकांक्षा राखेको अनेरास्ववियुका प्रतिनिधिहरूले बताएका छन् ।
