काठमाडौँ । बजेट मार्फत आएको अवकाश कोष खारेजीको निर्णयमा असन्तुष्ट रहेका बैकर्सले नेपाली कांग्रेसका सभापति शेरवहादुर देउवा र अर्थमन्त्री विष्णुप्रसाद पौडेलसँग भेटवार्ता गरेका छन् ।
बैंक तथा वित्तीय संस्थामा कार्यरत कर्मचारीहरूको छाता संगठन ‘फियन’का पदाधिकारीले सोमबार सभापति र अर्थमन्त्री दुबैसँग भेटवार्ता गरेको हो ।
‘फियन’ का अध्यक्ष पदम राम रेग्मी, वरिष्ठ उपाध्यक्ष परसुराम खनाल लगााएत टिम र नेपाली कांग्रेसनिकट ट्रेड युनियन कांग्रेसका पदाधिकारीहरूले सो भेटवार्ता गरेका हुन्।
उक्त भेटघाटमा कांग्रेसका सभापति देउवाले अर्थमन्त्रीलाई फोन गरेर ऐच्छिक व्यवस्थाका लागि पहल गरिदिन आग्रह गरेको फियनका उपाध्यक्ष शिवहरि भण्डारीले जानकारी दिए
पार्टी सभापति र अर्थमन्त्री दुबै जनाले आफूहरुको मागको सम्बोधन हुने आश्वासन दिएको उनले बताए ।
सम्बन्धित समाचार :
सरकारको नियत बैंक तथा वित्तीय संस्थालाई ठग्ने, लुट्ने र पेल्ने मात्रै देखियो
अवकाश कोष खारेजीको निर्णयमा बैंकर आक्रोसित, संशोधन नभए आन्दोलन गर्ने
