काठमाडौँ । नेपाल शेयर बजार लगानीकर्ता संघको प्रथम वार्षिक साधारण सभा सम्पन्न भएको छ। साधारण सभाले आगामी दुई वर्षको कार्यकालका लागि हरिबहादुर केसीको अध्यक्षतामा १३ सदस्यीय नयाँ कार्यसमिति चयन गरेको छ । जसले लगानीकर्ताहरूको अधिकार सुनिश्चित गर्दै पूँजी बजारलाई थप मर्यादित बनाउने प्रतिबद्धता व्यक्त गरेको छ।
साधारण सभाले आगामी दुई वर्षको कार्यकालका लागि अध्यक्ष हरिबहादुर केसीको नेतृत्वमा १३ सदस्यीय कार्यसमिति छनोट गरेको छ । संघको वरिष्ठ उपाध्यक्ष किशोर पौडेल, उपाध्यक्ष ई.भगवान बहादुर राउत, महासचिव खगेन्द्र राज कँडेल (रविन), सचिव भुवन ढकाल र कोषाध्यक्ष मछिन्द्र बस्नेत चयन भएका छन् ।
यस्तै, सदस्यहरू विवेक श्रेष्ठ, मिना भट्ट, ऋषिराज भेटवाल, कीचस् चित्रकार, विष्णु बहादुर सिलवाल, अशोक शाह कानु, र राजु प्रसाद पौडेल चयन भएका हुन् ।
नवनिर्वाचित पदाधिकारी तथा सदस्यहरूलाई निर्वाचन अधिकृतले पद तथा गोपनीयताको शपथ खुवाउनुका साथै प्रमाणपत्र वितरण गरेका थिए । नवनिर्वाचित अध्यक्ष हरिबहादुर केसीले सम्पूर्ण सदस्यहरूलाई धन्यवाद दिँदै लगानीकर्ताको हकहित र बजारको स्वस्थ विकासलाई आफ्नो कार्यकालको प्रमुख एजेन्डा बनाउने प्रतिबद्धता व्यक्त गरे ।
