काठमाडौँ । साताको दोस्रो कारोबार दिन मंगलबार नेपाल स्टक एक्सचेञ्ज (नेप्से) परिसूचक दोहोरो अंकले घटेको छ । आज नेप्से परिसूचक २६.१६ अंकले घटेर २ हजार ७७०.२६ विन्दुमा बन्द भएको हो ।
आज १ करोड ४० लाख १८ हजार कित्ता शेयर खरिद–बिक्री हुँदा ६ अर्ब ५३ करोड ८८ लाख रुपैयाँ बराबरको शेयर कारोबार भएको छ ।
त्यसैगरी, आज ४२ कम्पनीको शेयर मूल्य बढेको छ भने २१३ कम्पनीको शेयर मूल्यमा गिरावट आएको छ। १४ कम्पनीको शेयरमूल्य स्थिर छ ।
आज सर्वाधिक कारोबार पाल्पा सिमेन्टको भएको छ । कम्पनीको ५८ करोड ३३ लाख रुपैयाँ बराबरको शेयर किनबेच भएको छ ।
