काठमाडौँ । साताको चौथो कारोबार दिन बिहीबार नेपाल स्टक एक्सचेञ्ज (नेप्से) परिसूचक सामान्य अंकले घटेको छ। आज नेप्से परिसूचक १०.०७ अंकले घटेर २ हजार ७३०.१७ विन्दुमा बन्द भएको हो ।
आज ७९ लाख ५८ हजार कित्ता शेयर खरिद–बिक्री हुँदा ३ अर्ब २९ करोड २ लाख रुपैयाँ बराबरको शेयर कारोबार भएको छ ।
त्यसैगरी, आज ८० कम्पनीको शेयर मूल्य बढेको छ भने १७४ कम्पनीको शेयर मूल्यमा गिरावट आएको छ। १४ कम्पनीको शेयरमूल्य स्थिर छ ।
युनियन हाइड्रोपावरको शेयरमूल्य ९.७९ प्रतिशतले बढेको छ भने सर्वाधिक कारोबार हिमालयन रिइन्स्योरेन्सको भएको छ । कम्पनीको ३७ करोड ६८ लाख रुपैयाँ बराबरको शेयर कारोबार भएको हो ।
