काठमाडौँ । साताको चौथो कारोबार दिन बिहीबार नेपाल स्टक एक्सचेञ्ज (नेप्से) परिसूचक सामान्य अंकले घटेको छ । आज नेप्से परिसूचक ५.०६ अंकले घटेर २ हजार ७००.४७ विन्दुमा बन्द भएको हो ।
आज ७७ लाख ४३ हजार कित्ता शेयर खरिद–बिक्री हुँदा ३ अर्ब ४१ करोड रुपैयाँ बराबरको शेयर कारोबार भएको छ ।
त्यसैगरी, आज ७७ कम्पनीको शेयर मूल्य बढेको छ भने १८१ कम्पनीको शेयर मूल्यमा गिरावट आएको छ। १४ कम्पनीको शेयरमूल्य स्थिर छ ।
सोपान फार्मास्युटिकल्स र एपोलो हाइड्रोपावरको शेयरमूल्य सर्किट लेभलमा बढेको भने आँखु खोला जलविद्यूत कम्पनीको सर्वाधिक कारोबार भएको छ ।
