साताको पहिलो कारोबार दिन सोमबार नेपाल स्टक एक्सचेञ्ज (नेप्से) परिसूचक झिनो अंकले घटेको छ । आज नेप्से परिसूचक १.४६ अंकले घटेर २ हजार ७००.४६ विन्दुमा बन्द भएको हो ।
आज ८१ लाख ३८ हजार कित्ता शेयर खरिद–बिक्री हुँदा ४ अर्ब ४४ करोड ६५ लाख रुपैयाँ बराबरको शेयर कारोबार भएको छ ।
त्यसैगरी, आज ११६ कम्पनीको शेयर मूल्य बढेको छ भने १४३ कम्पनीको शेयर मूल्यमा गिरावट आएको छ। १४ कम्पनीको शेयरमूल्य स्थिर छ ।
टक्सार पिखुवा खोला हाइड्रोपावर र याम्बालिंग हाइड्रोपावरको शेयरमूल्यमा सकारात्मक सर्किट लागेको छ भने सोपान फार्मास्युटिकल्सको सर्वाधिक कारोबार भएको छ ।
