काठमाडौँ । सेयर बजारमा १५.४३ अंकको गिरावट आएको छ । बुधबार सेयर बजार परिसूचक नेपाल स्टक एक्सचेञ्ज (नेप्से) १५.४३ अंकले घटेर २५४५.४० बिन्दुमा खुम्चिएको छ ।
अघिल्लो कारोबार दिन अर्थात् सोमबार भने नेप्से १८.०७ अंकले बढेर २५६० बिन्दुमा उक्लिएको थियो ।
आज नेप्सेमा कुल ४ अर्ब १९ करोड रुपैयाँ बराबरको कारोबार भएको छ । सोमबार भने नेप्सेमा कुल ३ अर्ब ७९ करोड रुपैयाँ बराबरको कारोबार भएको थियो ।
बुधबार कारोबारमा आएकामध्ये ७४ कम्पनीको सेयर मूल्य बढ्दा १९२ कम्पनीको घटेको छ । यस्तै, ११ कम्पनीको सेयर मूल्य भने स्थिर छ ।
