काठमाडौँ । नेपाल निर्माण व्यवसायी महासंघका अध्यक्ष रवि सिंहले सरकारले बीना जानकारी रुग्ण आयोजनाको ठेक्का सम्झौता रद्द गर्न थालेको बताएका छन् ।
मंगलबार नेपाल पुर्वाधार पत्रकार समाजले काठमाडौँमा आयोजना गरेको ‘रुग्ण ठेक्का व्यवस्थापन सम्बन्धी’ सरोकारवाला निकायसँग संवाद कार्यक्रममा उनले सो कुरा बताएका हुन् ।
लामो समयदेखि निर्माण सम्पन्न नभएका आयोजनाको पछिल्लो समय सरकारले ठेक्का सम्झौता तोड्न थालेको छ । जिम्मा लिने तर समयमै काम सम्पन्न नगर्ने प्रवृत्ति बढ्न थालेपछि पछिल्लो समय तीन मन्त्रालयको जिम्मा सम्हालेका मन्त्री कुलमान घिसिङले ठेक्का तोड्न थालेका हुन ।
सरकारले बीना जानकारी ठेक्का तोडेको भन्दै गुनासो गरेका उनै सिंहले साढे ९ वर्षदेखि काठमाडौँमा एउटा आयोजना अलपत्र बनाएका छन् । २०७३ को असारमा निर्माण सम्झौता भएको १३ महिनाभित्र सम्पन्न गर्ने भनिएतापनि अध्यक्ष सिंहले साढे ९ महिना बितिसक्दा सम्पन्न गर्न नसकेका हुन् ।
उनको कम्पनी महादेव खिम्ती निर्माण सेवा, अनक कन्ट्रक्सन र बंगलादेशी कम्पनी साम्जोनामनि सहित ३ कम्पनीले संयुक्त रुपमा जिम्मा लिएको चोभारस्थित पुष्प तथा फलफूल थोक बजारको काम अझै अलपत्र अवस्थामा रहेका छन् ।
त्यहाँ निर्माण भएका भवनमा पानी चुहिन थालेका छन् भने निर्माण स्थलमा राखिएका जेनेरेटर लगायतका उपकरण काम नै नलाग्ने अवस्थामा पुगेका छन् ।
१३ महिनामा निर्माण सम्पन्न गर्ने सम्झौता अनुसार ठेक्का सम्झौता भएपनि ११ पटक म्याद थप हुँदा समेत निर्माण सम्पन्न भएको छैन् । समयमा काम पुरा नहुँदा त्यसको लागत बढेर ४० करोड बढी पुगेको कृषि तथा पशुपन्छी विकास मन्त्रालयले जनाएको छ ।
निर्माण सम्झौता गर्दा ३५ करोड रुपैयाँमा गर्ने भनिएकोमा समयसँगै लागत बढ्दा सरकारलाई ठूलो नोक्सानी भएको छ ।
सरकारी बजेटमा ठेकेदार रवीको रजाइँ, भुक्तानी लिन्छन् काम गर्दैनन्
रवि सिंहको बदमासीः १३ महिनामा सक्नुपर्ने काम ९६ महिनामा पनि सकिएन
